Անգլիայում ֆուտբոլիստին խաղից հետո ծեծի են ենթարկել
Մանչեսթերի ոստիկանությունը ձերբակալել է «Չեստերֆիլդի» ֆուտբոլիստին, որը խաղից հետո հարձակվել է «Օլդհեմի» խաղացող Հալամ Հոուպի վրա, հայտնում է Daily Mail-ը:
Նշվում է, որ միջադեպը տեղի է ունեցել թիմերի միջև կայացած խաղից հետո՝ ավտոկայանատեղիում: Հոուպը հարձակման է ենթարկվել, ինչից հետո լուրջ վնասվածքներ է ստացել: Ֆուտբոլիստը հոսպիտալացվել է և սեպտեմբերի 4-ին տեղի ունեցած միջադեպից այլևս չի կարողացել խաղալ:
Ոստիկանությունը ձերբակալել է հարձակվողին, բայց հետո բաց է թողել՝ հետաքննության շրջանակում:
28-ամյա Հոուպը «Էվերտոնի» սան է: Նա նաև հանդես է գալիս Բարբադոսի հավաքականում:
Կարծիքներ