Ավելի քան 50 չվերթ չեղյալ է հայտարարվել կամ հետաձգվել Մոսկվայի օդանավակայաններում

Ավելի քան 50 չվերթ չեղյալ է հայտարարվել կամ հետաձգվել Մոսկվայի օդանավակայաններում, գրում է Regnum-լրատվականը՝ վկայակոչելով «Yandex.Respisanie» ծառայության տվյալներին:

«Դոմոդեդովո» օդանավակայանում հետաձգվել է 30 չվերթ, իսկ ևս 7 չվերթ չեղյալ է հայտարարվել: «Վնուկովո» օդանավակայանում հետաձգվել է 5 թռիչք, ևս 7-ը՝  չեղարկվել. «Շերեմետևո» օդանավակայանում չեղյալ է հայտարարվել 5  չվերթ, ևս 8-ը հետաձգվել է:

Թռիչքների հետաձգման և չեղարկման պատճառները հայտնի չեն:

Ինչպես հաղորդել է IA REGNUM- ը, ավելի վաղ Ռուսաստանի Դաշնության հիդրոօդերևութաբանական կենտրոնը հայտնել էր, որ հունիսի 26-ին Մոսկվայում սպասվում է  ամպամած եղանակ, տեղ-տեղ անձրև, ամպրոպ, կարկուտ: Օդի ջերմաստիճանը քաղաքում կլինի + 33-ից մինչև + 35 ° C: