ՌԴ-ում 13-ամյա աղջիկը դանակահարել է կրտսեր քույրերին, դիերը թաքցրել պատշգամբում. մանրամասներ

Տոլյատիում երկու քույրերին սպանած 13-ամյա երեխան չի ցանկացել, որ մայրը՝ Իրինան, հաշտվի խորթ հոր՝ Յուրիի հետ: Սպանված 2 և 5 տարեկան աղջիկները վերջինիս երեխաներն են եղել։

Ըստ ռուսական լրատվամիջոցների՝ Լիզան մեկ հարազատ քույր ունի: Երեխայի հայրը Հյուսիսային ռազմական օկրուգում է ապրում։ Հետաքննության նախնական տվյալներով՝ խորթ հոր ընտանիքում սկանդալներ են եղել, Լիզային տղամարդը դուր չի եկել։ 13-ամյա Լիզան փորձել է համոզել մորը հեռանալ, սակայն՝ ապարդյուն։ Քննիչների կարծիքով՝ հենց դա կարող է լինել դաժան սպանության դրդապատճառը:

Ողբերգության օրը աղջիկների ծնողները ոստիկանությունում հարցաքննվելիս են եղել տուն ապօրինի մուտք գործելու վերաբերյալ բողոքով, որը մայրը ներկայացրել էր խորթ հոր դեմ հերթական վիճաբանությունից հետո։

13-ամյա Լիզան դանակահարել է կրտսեր քույրերին, դիերը թաքցրել պատշգամբում և զբոսնել «Հոկտեմբերի 8»-ի զբոսայգում։

Երեխաների դիերը հայտնաբերել է նրանց քույրը՝ Լիզին: Երբ մայրը կապ է հաստատել դստեր հետ և հարցրել, թե արդյոք նա գիտի, թե ի՞նչ է պատահել իր քույրերի հետ, աղջիկը նախապես պատասխանել է. «Դա ես եմ արել»: Հա-հա-հա»։

Քննչական կոմիտեում հարցաքննությունից և հոգեբանի հետ շփվելուց հետո Լիզան տեղափոխվել է հոգեբանական նյարդաբանական դիսպանսեր՝ հետազոտության։