Չինաստանում փրկել են ափամերձ ծանծաղուտում հայտնված կետանման 9 կենդանու

Չինաստանի արևելյան Չժենցզյան նահանգի Լինխայ քաղաքի ափամերձ ջրային տարածքի ծանծաղուտներում խցանված 12 կետանմաններից 9-ին հաջողվել է փրկել, երեք կենդանի սատկել է:

Ինչպես հաղորդում է «ՌԻԱ Նովոստի»-ն՝ հղում անելով չինական աղբյուրին, ծանծաղուտում հայտնված ծովային կենդանիներին հայտնաբերել են երեքշաբթի առավոտյան տեղի ժամանակով 8:00-ին (երևանյան՝ 14:00): Ծովային արարածների կենսաբանական պատկանելիությունը դեռևս պարզված չէ:

Ենթադրաբար, դրանք պատկանում են սև դելֆինների, անկտուց դելֆինների, ինչպես նաև թզուկ կետադելֆինների ցեղատեսակներին: Տեղի իշխանությունների տվյալներով՝ դելֆինները կարող էին ծանծաղուտում հայտնված լինել մակընթացության ժամանակ մոլորվելու պատճառով:

Աղբյուրի փոխանցմամբ՝ կենդանիներից երեքը սատկած են եղել, մյուս 9-ին հաջողվել է փրկել: Դրանց մի մասը ժամանակավորապես կուղարկվի օվկիանոսարիումներ և ծովային այգիներ: Մյուս մասն էլ կգտնվի ափամերձ տարածքում՝ հսկողության ներքո, մինչև հաջորդ մակընթացությունը: