Մերկելը վստահեցրել է, որ Եվրամիությունը կկարողանա կորոնավիրուսի համավարակի հետևանքով առաջացած տնտեսական ճգնաժամը հաղթահարել

Գերմանիայի կանցլեր Անգելա Մերկելը վստահություն է հայտնել, որ Եվրամիությունը կկարողանա կորոնավիրուսի համավարակի հետևանքով առաջացած տնտեսական ճգնաժամը և մարտահրավերները հաղթահարել, հայտնում է «ՌԻԱ Նովոստի» գործակալությունը։

«Եվրոպայի տնտեսությանը հզոր հարված է հասցվել, հիմնական կանոնները շարունակում են լինել մեր ժողովրդավարության համար աննախադեպ ծավալներով սահմանափակումների ռեժիմով առաջնորդվելը։ Սրանք կանցլերի պաշտոնում իմ կայացրած ամենաբարդ որոշումներն են եղել, և ես վստահ եմ, որ շրջանների ղեկավարները վերջին ամիսներին ստիպված են եղել նույն բաների միջով անցնել»,- հայտարարել է նա Դաշնային խորհրդում՝ Եվրամիության խորհրդում Գերմանիայի նախագահության կես տարվա ծրագիրը ներկայացնելու ժամանակ։

Կանցլերը հիշեցրել է, որ 2007 թվականին, ինչպես այսօր, ներկայացրել է նախագահության ծրագիրը և նշել, որ չնայած այս ընթացքում իրենց տեսած դժվարություններին՝ Եվրոպան կարողացել է համախմբվել և դուրս գալ դժվարություններից։

«Այս միասնականության շնորհիվ Եվրոպան այսօր մեր բարեկեցության և անվտանգության երաշխիքն է։ Եվրոպայի միավորումը 20-րդ դարի ամենամեծ նվերն է, մեր ընդհանուր երջանկությունը, այն միայն պատմության նվեր չէ, այլ նաև մի բան, որի վրա Եվրոպայի երկրները և դրա ժողովուրդները ջանասիրաբար աշխատել են, սա մեր ընդհանուր ապագայի նախագիծն է, որը պետք է միշտ վերափոխենք և զարգացնենք»,- հավելել է Մերկելը։