Ռուսաստանի ՊՆ-ն հրապարակել է Ուկրաինայի ԶՈւ-ի տեխնիկայի շարասյան ոչնչացման կադրերը (տեսանյութ)

Ռուսաստանի օդատիեզերական ուժերի Կա-52 հարվածային ուղղաթիռները ոչնչացրել են Ուկրաինաի զինված ուժերի զրահատեխնիկան և ավտոմոբիլային տեխնիկայի շարասյունը: Այս մասին հայտնում է Ռուսաստանի պաշտպանական գերատեսչությունը։

Նշվում է, որ ավիացիոն հարվածները հասցվել են զույգերով՝ մոտ և չափազանց մոտ բարձրություններից:

ՌԴ պաշտպանության նախարարությունը հրապարակել է շարասյան ոչնչացման տեսանյութը։ Կադրերում ցուցադրվում են 4 Կա-52 ուղղաթիռներ, որոնք համալրված են չկառավարվող ռեակտիվ արկերով, ինչպես նաև «Վիխր» կառավարվող հրթիռներով։

Այնուհետև ցուցադրվում է հարվածային ուղղաթիռների թռիչքը բնակավայրի վերևում։

Երևում է նաև ուղղաթիռների նշանառու համակարգի տեսագրությունը, որտեղ նրանք չկառավարվող հրթիռներով հարված են հասցնում ճանապարհով ընթացող ուկրաինական շարասյանը։

Տեսանյութում ցուցադրվում է «Վիխր» հրթիռի ճշգրիտ հարվածը ուկրաինական թրթուրավոր զրահամեքենային, ենթադրաբար՝ ԲՄՊ-2-ին։