Ճապոնիան կուժեղացնի իր պաշտպանունակությունը, ներառյալ թշնամու բազաներին հարված հասցնելու հնարավորությունը․ Ճապոնիայի վարչապետ
Ճապոնիան կուժեղացնի իր պաշտպանունակությունը՝ հաշվի առնելով դրա բոլոր տարբերակները, ներառյալ թշնամու բազաներին հարված հասցնելու հնարավորությունը, երկուշաբթի օրը հայտարարել է երկրի վարչապետ Ֆումիո Կիշիդան, հաղորդում է ՌԻԱ Նովոստին։
«Մեր երկրի շուրջ ստեղծված անվտանգության իրավիճակը շատ բարդ է: Տնտեսական անվտանգությունը, տիեզերքը, կիբերտարածությունը նոր ոլորտներ են (անվտանգության): Հրթիռային տեխնոլոգիաները զարգանում են աննախադեպ արագությամբ: Այս բոլոր խնդիրների համար անհրաժեշտ է պաշտպանել մարդկանց կյանքը, օգտագործելով բոլոր տարբերակները, այդ թվում՝ հարձակումներ թշնամու հենակետերի վրա, դիտարկել իրականության տեսանկյունից և արագ բարձրացնել երկրի պաշտպանունակությունը, դրա համար մեկ տարվա ընթացքում կմշակվի պետական անվտանգության ռազմավարություն և պաշտպանական տեխնիկայի միջնաժամկետ պլան», – ասել է Կիշիդան։
Կարծիքներ