Ռուս խաղաղապահները վնասազերծել են ավելի քան 24 000 պայթյունավտանգ առարկա Ղարաբաղում

Ռուս խաղաղապահները վնասազերծել են ավելի քան 24 000 պայթյունավտանգ առարկա Ղարաբաղում

Ռուս խաղաղապահները շարունակում են իրականացնել իրավիճակի շուրջօրյա մոնիթորինգ եւ հրադադարի ռեժիմի հսկողություն Լեռնային Ղարաբաղում:

Ինչպես հաղորդում են ՌԴ Պաշտպանության նախարարությունից, 27 դիտակետերում ռուս խաղաղապահներն իրականացնում են իրավիճակի շուրջօրյա մոնիթորինգ եւ հրադադարի հսկողություն: Հրադադարի ռեժիմը պահպանվում է շփման գծի ողջ երկայնքով:

Հումանիտար ականազերծման կենտրոնի ինժեներա-սակրավորական խմբերը շարունակում են աշխատանքը Լեռնային Ղարաբաղի տարածքն ականազերծելու ուղղությամբ: 2020 թվականի նոյեմբերի 23-ից սկսած՝ չպայթած զինամթերքից ազատվել է  1 535 հա տարածք, 478 կմ ճանապարհ, 1 512 շինություն, այդ թվում՝ 30 սոցիալական նշանակություն ունեցող օբյեկտ, հայտնաբերվել եւ վնասազերծվել է 24 962 պայթյունավտանգ առարկա: