Իրանում կորոնավիրուսի դեմ համընդհանուր պատվաստումները հասանելի կլինեն 2022 թվականի փետրվարին
Իրանցի պաշտոնյան ներկայացրել է կորոնավիրուսի դեմ համազգային պատվաստման ծրագրի ժամանակացույցն՝ ըստ խոցելի խմբերի առաջնահերթությունների ցուցակի:
Ինչպես փոխանցում է «Թանսիմ» գործակալությունը, Իրանի փոխնախագահին կից Գիտությունների և տեխնոլոգիաների կենսատեխնոլոգիական զարգացումների վարչության քարտուղարի խոսքով՝ լայն հանրությունը պատվաստանյութի հասանելիություն կստանա 2022 թվականի փետրվար-մարտ ամիսներին: Վերջինս հավելել է, որ վարչակազմը ջանում է պատվաստանյութի պահանջարկը բավարարել է տեղական արտադրության և արտասահմանյան դեղամիջոցներով:
Իրանը մոտ 16 մլն չափաբաժին պատվաստանյութ կստանա Առողջապահության համաշխարհային կազմակերպության COVAX ծրագրով, 25 մլն չափաբաժին կներկրի արտասահհմանից, ինչպես նաև 25 մլն չափաբաժին կարտադրի երկրի ներսում:
Նշվում է, որ այս ձմեռ առաջին հերթին պատվաստանյութ կստանան առողջապահության ոլորտի աշխատողներն ու բուժանձնակազմերը, ապա տարեց քաղաքացիներն ու հաշմանդամություն ունեցող բնակիչները կամ պատերազմի վետերանները:
Իրանում կորոնավարակակիրների թիվը գերազանցել է 1.4 մլն-ը, վիրուսից մահացածներինը՝ 58 հազարը:
Կարծիքներ