ՌԴ ԱԳՆ. Բայդենը պետք է բացատրի, թե ինչ է կատարվում ԱՄՆ-ում, այլ ոչ թե խոսի Ռուսաստանի մասին

Ռուսաստանի ԱԳՆ-ի պաշտոնական ներկայացուցիչ Մարիա Զախարովան հայտարարել է, որ ԱՄՆ նախագահ Ջո Բայդենը նախ պետք է բացատրի, թե ինչ է կատարվում իր երկրում, հետո միայն հայտարարություններ անի Ռուսաստանի վերաբերյալ:

Այս մասին ասել է News.am-ը..

«Մենք գիտենք, որ մեր ամերիկացի գործընկերներն ամբողջությամբ հրաժարվել են պատասխանել այնտեղ տեղի ունեցողի մասին ուղիղ հարցին: Դրանք պարզապես (պատասխաններ) չկան: Այդ նրանց պետք է հարցնել՝ ի՞նչ է ընդհանրապես նրանց հետ կատարվում»,- ասել է ռուս դիվանագետը:

Նա պատմել է, որ ամերիկացի լրագրողները մարտի 17-ի գիշերը հարցեր են տվել այն մասին, թե ինչ է կատարվում Ռուսաստանում:

Զախարովան ի պատասխան շեշտել է, որ «այդ ամերիկյան մեքենան պետք է միանա» եւ պատասխանի նույն հարցին:

Ավելի վաղ հայտնի էր դարձել, որ Վաշինգտոնում Ռուսաստանի դեսպան Անատոլի Անտոնովը մարտի 20-ին կմեկնի Մոսկվա խորհրդակցության համար: Ռուսաստանի ԱԳՆ-ում կայանալիք հանդիպման ընթացքում նրանք կքննարկեն «ճգնաժամի մեջ գտնվող ռուս-ամերիկյան կապերի կարգավորման ուղիները»:

Մարտի 17-ին ABC News-ին տված հարցազրույցում ԱՄՆ նախագահը սպառնացել էր, որ Ռուսաստանի առաջնորդ Վլադիմիր Պուտինը «կվճարի» 2020-ի ԱՄՆ ընտրություններին իր, իբր, միջամտության համար: Բայդենը նաեւ անձնական վիրավորանքներ էր հնչեցրել իր ռուս գործընկերոջ հասցեին: