Թեհրանում կորոնավիրուսի պատճառով մի քանի օրով կփակվեն բանկերն ու շուկաները

Թեհրանում կորոնավիրուսի պատճառով մի քանի օրով կփակվեն բանկերն ու շուկաները

Իրանի մայրաքաղաք Թեհրանում COVID-19-ի հետ կապված ծանր իրավիճակի պատճառով կփակվեն կենտրոնական շուկան և բանկերը: Այս մասին տեղեկացնում է «ՌԻԱ Նովոստի» գործակալությունը` հղում տալով Իրանի իշխանություններին:

«Թեհրանի շուկան, համաձայն կորոնավիրուսի դեմ պայքարի ազգային շտաբի որոշման, կփակվի 6 օրով՝ COVID-19– ի հետ կապված բարդ պայմանների պատճառով ... այս պահին Թեհրանը գտնվում է կորոնավիրուսի տարածման կարմիր գոտում»,- հայտարարել է Թեհրանի արհմիությունների պալատի նախագահ Քասեմ Նոդե Ֆարախանին:

Կորոնավիրուսի դեմ պայքարի շտաբի օպերատիվ բաժնի քարտուղար Բաբաք Դինպարաստը հայտարարել է Թեհրանում բանկերի փակման մասին:

«Թեհրանի, ինչպես նաև Ալբորզի բանկերը և առևտրային հաստատությունները փակվում են 6 օրով»,-տեղեկացրել է Դինպարաստը: