Թուրքիան մերժում է ՅՈՒՆԵՍԿՕ-ի զեկույցը՝ Ստամբուլի Սուրբ Սոֆիայի տաճարի և Քարիե մզկիթների վերաբերյալ

Թուրքիան մերժում է ՅՈՒՆԵՍԿՕ-ի զեկույցը՝ Ստամբուլի Սուրբ Սոֆիայի տաճարի  և Քարիե մզկիթների վերաբերյալ

Թուրքիան մերժում է ՅՈՒՆԵՍԿՕ-ի Համաշխարհային ժառանգության կոմիտեի զեկույցի դրույթները  Ստամբուլի Սուրբ Սոֆիա և Քարիե մզկիթների վերաբերյալ:

Այս մասին ասվում է Թուրքիայի արտգործնախարարության շաբաթ օրը տարածած հայտարարության մեջ:

«Թուրքիան մերժում է խորհրդատվական կոմիտեի զեկույցը, որը չի  համապատասխանում ներկա իրավիճակին: Դրանք, կարծես, գրվել են կանխակալ և քաղաքական նկատառումներից ելնելով»,- ասվում է ԱԳՆ  հաղորդագրությունում:

France-Presse գործակալությունը ուրբաթ օրը հաղորդել էր, որ ՄԱԿ-ի կրթության, գիտության և մշակույթի հարցերով  կազմակերպությունը (ՅՈՒՆԵՍԿՕ) խնդրել էր Թուրքիային մինչև 2022 թվականի փետրվարը զեկույց տրամադրել Ստամբուլում գտնվող,մզկիթի վերածված Սուրբ Սոֆիայի տաճարի վիճակի վերաբերյալ։ Գործակալության տվյալներով, կոմիտեն հայտնել է «մտահոգությունը բյուզանդական դարաշրջանի այս հուշարձանին մզկիթի կարգավիճակ տալու կապակցությամբ» և խնդրում է Թուրքիային ներկայացնել «նորացված հաշվետվություն շենքի վիճակի վերաբերյալ»:

Հետևեք մեզ նաև Տելեգրամում