Ռունին ընտրություն է կատարել Մեսսիի և Ռոնալդուի միջև

«Մանչեսթեր Յունայթեդի» նախկին հարձակվող Ուեյն Ռունին «Ինտեր Մայամիի» հարձակվող Լիոնել Մեսսիին անվանել  է ֆուտբոլի պատմության լավագույն խաղացող։ Գրում է Armsport.am-ը։

«Կարծում եմ՝ Մեսսին պատմության լավագույն ֆուտբոլիստն է։ Ինձ հաճախ են քննադատում նրան լավագույնը ճանաչելու համար՝ ասելով. «Ինչպե՞ս կարող ես ասել Մեսսի, երբ լավագույնը Ռոնալդուն է»: Ես հասկանում եմ, որ ոմանք կարող են ասել Մեսսի, ոմանք կարող են ասել Ռոնալդու, նրանք երկուսն էլ անհավանական են: Սրանք, հավանաբար, երբևէ խաղացած լավագույն ֆուտբոլիստներից երկուսն են։ Բայց ես կարծում եմ, որ Մեսսին պարզապես մի փոքր ավելի շատ տաղանդ ունի, ինչն ինձ դուր է գալիս խաղացողների մեջ: Սա է պատճառը»,- Ռունիի խոսքերն է մեջբերում Goal-ը։

Մեսսին «Ինտեր Մայամիում» է հանդես գալիս 2023 թվականի հուլիսից։