ՊՆ-ն մեկնաբանել է զորամասերում Փառքի անկյուններն ապամոնտաժելու մասին տեղեկությունները

ՊՆ-ն մեկնաբանել է զորամասերում Փառքի անկյուններն ապամոնտաժելու մասին տեղեկությունները

Վերջին երկու օրերին որոշ լրատվամիջոցներ և սոցիալական ցանցերի օգտատերեր խեղաթյուրված, կեղծ տեղեկություններ են տարածում, թե իբր ՊՆ զորամասերում Փառքի անկյուններն ապամոնտաժվում են, իսկ սխրագործ զինծառայողների լուսանկարները՝ հանվում, և դրանք այլևս չեն զետեղվելու:

Այս մասին ասված է ՀՀ ՊՆ «Ֆեյսբուք»-ի էջում հրապարակված մեկնաբանության մեջ:

«Այս կապակցությամբ պաշտպանության նախարարությունը հայտնում է, որ զինված ուժերի գլխավոր շտաբի համապատասխան կառուցվածքային ստորաբաժանումը բոլոր զորամասերի տեղեկատվության և ժամանցի սենյակներում իրականացնում է վերանորոգման աշխատանքներ, այդ թվում նաև՝ տպագրական նյութերի, քանի որ ժամանակի ընթացքում դրանք մաշվում են:  

Իրականացվում են տպագրական նյութերի թարմացման, վերանորոգման, թեմատիկ առումով համալրման մի շարք աշխատանքներ, իսկ Փառքի անկյուններում՝ ոճային առումով արդիականացման աշխատանքներ»,- նշված է գրառման մեջ: