Թբիլիսին մերձեցնում է Երևանին և Բաքվին, հետաքրքիր նախադեպ է. Ղարիբաշվիլի
Վրաստանի խաղաղ նախաձեռնությունը Հայաստանի և Ադրբեջանի միջև տվել է կոնկրետ արդյունքներ:
Այս մասին, այսօր՝ դեկտեմբերի 18-ին, հայտարարել է վարչապետ Իրակլի Ղարիբաշվիլին՝ ներկայացնելով 2023 թվականի արդյունքների վերաբերյալ կառավարության զեկույցի արտաքին քաղաքական մասը։
Նրա խոսքով՝ Վրաստանի իշխանությունները սերտ բարեկամական հարաբերություններ են պահպանում տարածաշրջանի գործընկերների՝ Հայաստանի, Ադրբեջանի և Թուրքիայի հետ։
«Մենք, անշուշտ, շահագրգռված ենք տարածաշրջանում երկարաժամկետ խաղաղության և կայունության հաստատմամբ։ Վրաստանը կարևոր ներդրում ունի այս նպատակին հասնելու գործում։ Որոշ ժամանակ առաջ Վրաստանում էին Ադրբեջանի ու Հայաստանի վարչապետերը, և մենք բացառիկ հնարավորություն ունեցանք եռակողմ հանդիպում անցկացնելու։ Կարծում եմ, որ սա հետաքրքիր նախադեպ էր, որը մենք ձեռք բերեցինք»,- ասել է նա:
Ղարիբաշվիլին հիշեցրել է, որ հարևան երկրների միջև ինտենսիվ այցեր են իրականացվել:
«Ես մի քանի անգամ եղել եմ Ադրբեջանում, Ադրբեջանի նախագահն ու Հայաստանի վարչապետը եղել են Վրաստանում։ Մենք շարունակում ենք մեր բարձր մակարդակի ռազմավարական գործընկերությունն ու համագործակցությունը Թուրքիայի հետ»,- ասել է նա։
Կարծիքներ