Ղազախստանում գործում էին լավ կազմակերպված խմբեր, որոնք ահաբեկչական նպատակներ էին հետապնդում․ Զաս
Ղազախստանում գործում էին լավ կազմակերպված խմբեր, որոնք ահաբեկչական նպատակներ էին հետապնդում։ Նրանք նախապես պատրաստված զենք էին կիրառում։ Այս մասին հայտարարել է ՀԱՊԿ գլխավոր քարտուղար Ստանիսլավ Զասը։
«Այնտեղ նշվում էր ոչ միայն քրեական բնույթի խմբերի՝ ավազակների, կողոպտիչների, այլև կազմակերպված զինված խմբերի գործողությունը, որոնք արդեն այլ նպատակներ էին հետապնդում, կարելի է ասել ՝ ահաբեկչական»,- հայտարարել է Զասը:
Նա հավելել է, որ այդ խմբերը լրջորեն պատրաստված էին: Ընդ որում, ըստ ՀԱՊԿ-ի գլխավոր քարտուղարի, անկարգությունների ժամանակ մեծ քանակությամբ զենք է կիրառվել, և ոչ միայն այն, որը գողացվել է զենքի խանութներից կամ առգրավվել ոստիկանության աշխատակիցներից:
Ղազախստանում զանգվածային անկարգությունների ընթացքում, վերջին տվյալներով, տուժել է ավելի քան 4,5 հազար մարդ: Մահացել է 225 մարդ, այդ թվում՝ 19 ոստիկան և զինծառայող:
Կարծիքներ