Էրդողանը ցանկանում է փոխել Թուրքիայի աշխարհիկ բնույթը․ Bloomberg
Սուրբ Սոֆիայի տաճարը մզկիթի վերածելը Թուրքիայի նախագահ Ռեջեփ Թայիփ Էրդողանի վերջին քայլերից մեկն է՝ իր քաղաքական նպատակի ուղղությամբ՝ փոխել Թուրքիայի աշխարհիկ բնույթը եւ վերականգնել երկրի մահմեդական ինքնությունը, Bloomberg-ում գրում է Բուբի Գոշը:
«Էրդողանը իր կարիերայի ընթացքում համակարգված կերպով հրաժարվել է Աթաթուրքի աշխարհիկ հիմքերից, որոնք դրվել են 1920-ականներին եւ 30-ականներին՝ խրախուսելով կրոնականության բացահայտ դրսեւորումները կառավարությունում եւ հասարակության մեջ»,- գրում է Bloomberg- ի սյունակագիրը՝ հավելելով, որ Էրդողանը դա արեց՝ հաստատելու համար, որ ինքը աջակցում է Աթաթուրքի ժառանգությանը:
Հեղինակը կարծում է, որ Էրդողանի ժառանգությունը, որն ուղղված է Թուրքիայի կառավարությունում եւ հասարակության մեջ կրոնի խրախուսմանը, հավանաբար, կգերազանցի Աթաթուրքի աշխարհայացքը: Նա վկայակոչել է նախագահի կողմից վերջերս արված կառուցվածքային, ինչպես նաեւ խորհրդանշական փոփոխությունները, օրինակ Սուրբ Սոֆիայի տաճարը մզկիթի վերածելը։
Կարծիքներ