Մեծ Բրիտանիան կհյուրընկալի Սկանդինավյան գագաթնաժողովը

Մեծ Բրիտանիայի վարչապետ Բորիս Ջոնսոնը մարտի 14-15-ին կհյուրընկալի գագաթնաժողովը ինը հյուսիսային երկրների` քննարկելու ընդհանուր անվտանգության սպառնալիքները: ՏԱՍՍ-ի հաղորդմամբ՝ այս մասին ասվում է Դաունինգ սթրիթ 10 հասցեում գտնվող գրասենյակի կողմից շաբաթ երեկոյան տարածված հայտարարության մեջ։

Նշվում է, որ կողմերը կքննարկեն «Ուկրաինայի ճգնաժամը», ինչպես նաև «երկարաժամկետ էներգետիկ անվտանգությունը» և «պատերազմից հետո Ուկրաինային վերակառուցման հարցում աջակցելու» ուղիները։ Բացի այդ, նախատեսվում է բարձրացնել կիբերանվտանգության հարցը և արձագանքել «Ռուսաստանից եկող սպառնալիքներին երկրի վրա, երկնքում և Հյուսիսային և Բալթիկ ծովերում»։

Ջոնսոնի գրասենյակից հայտնել են, որ մարտի 14-ին վարչապետը ընթրիք է կազմակերպելու հյուսիսային Եվրոպայի երկրների ղեկավարների համար իր երկրի կալվածքում՝ Չեկերսում, իսկ հաջորդ օրը պետությունների ղեկավարները գագաթնաժողով կանցկացնեն Լոնդոնում։ Միաժամանակ մարտի 14-15-ը Դաունինգ սթրիթում նախատեսված են նաև բրիտանական կառավարության ղեկավարի առանձին հանդիպումներ Լատվիայի, Ֆինլանդիայի և Շվեդիայի վարչապետների հետ։