Ալմաթիի մարզում արտակարգ դրություն է սահմանվել

Ալմաթիի քաղաքապետ (ակիմ) Բակիտժան Սագինտաևը հայտարարել է, որ իշխանությունները վերահսկողության տակ են վերցրել իրավիճակը քաղաքում, փոխանցում է RIA Novosti-ն։

«Ապակայունացման փորձերի և ծայրահեղական գործողությունների հետևում կանգնած են ներսի և դրսի սադրիչները: Իրավապահ ուժերը անհրաժեշտ միջոցներ են ձեռնարկում՝ Ալմաթիում իրավիճակը կայունացնելու, անվտանգությունը, խաղաղությունն ու անդորրը պահպանելու համար»,- ասել է նա Telegram ալիքում հրապարակված ուղերձում։

Իշխանություններն Ալմաթիի մարզում արտակարգ դրություն են սահմանել՝ անվանելով դա  «կարևոր որոշում՝ կարգուկանոնը վերականգնելու, հասարակական անվտանգությունն ապահովելու և քաղաքացիների իրավունքներն ու ազատությունները պաշտպանելու համար»։ Քաղաքացիներին  կոչ է արվել չտրվել սադրանքներին և անօրինականություններին: Ալմաթիի մարզում 23:00-ից 07։00-ն կգործի պարետային ժամ։