Էջմիածնում շան հարձակումից հետո պատառոտված վերքեր ստացած քաղաքացուն վիրահատել են. Շուշան Դանիելյան

Էջմիածնում շան հարձակումից հետո պատառոտված վերքեր ստացած քաղաքացուն վիրահատել են. Շուշան Դանիելյան

Օրերս շան հարձակման ենթարկված քաղաքացուն վիրահատել են: Այս մասին Facebook-ի իր էջում գրել է ԵՊԲՀ աշխատակազմի  ղեկավար Շուշան Դանիելյանը:

«Օրեր առաջ Վաղարշապատի հիվանդանոցից շան կծելու հետևանքով «Հերացի» համալսարանական հիվանդանոց էր տեղափոխվել 73-ամյա քաղաքացի: Բժիշկները տուժածի վիճակը գնահատել էին ծանր:

Պացիենտի մոտ առկա էին վերին ձախ վերջույթների և պարանոցի պատառոտված վերքեր:

Նյարդավիրաբույժների և միկրովիրաբույժների կողմից կատարվել է վիրահատություն: Պացիենտը հետվիրահատական շրջանում է, գտնվում է մասնագետների հսկողության ներքո»,- նշել է նա: