ԱՄՆ-ն արագորեն Լեհաստան կտեղափոխի Patriot համալիրներ

Պենտագոնը մտադիր Է Վարշավայի առաջարկությամբ արագորեն Լեհաստան տեղափոխել Patriot զենիթա-հրթիռային համալիրներ: Մարտի 8-ին այդ մասին հայտնել Է ԱՄՆ-ի զինված ուժերի Եվրոպական հրամանատարության ներկայացուցիչ Ադամ Միլլերը՝ պատասխանելով ՏԱՍՍ-ի հարցին, տեղեկացնում Է «Արմենպրես»-ը:

Ինչպես ճշտել Է նա, պլանավորվում Է «արագորեն Լեհաստան տեղափոխել Patriot-ի երկու մարտկոց»: Միացյալ Նահանգների ռազմական գերատեսչությունում կարծում են, որ այս քայլը թույլ կտա «հակազդել ԱՄՆ-ի, ՆԱՏՕ-ի դաշնակիցների եւ տարածքների համար հնարավոր պոտենցիալ սպառնալիքներին»: «Դա խելամիտ միջոց Է, նպատակաուղղված ուժերի պաշտպանությանը, որն ընդգծում Է 5-րդ հոդվածի մեր հանձնառությունը եւ չի օժանդակում ինչ-ինչ հարձակողական գործողութունների»,- ընդգծել Է Միլլերը: Հյուսիսատլանտյան պայմանագրի՝ 1949 թվականին Վաշինգտոնում ստորագրված 5-րդ հոդվածը նախատեսում Է կոլեկտիվ պատասխան «ՆԱՏՕ-ի մեկ կամ մի քանի» երկրների վրա «զինված հարձակման» դեպքում: