Իսրայելը հարվածել է Դամասկոսում Իրանի հյուպատոսությանը

Իսրայելի հարվածը Սիրիայի մայրաքաղաք Դամասկոսում խոցել է Իրանի դեսպանատան հարևանությամբ գտնվող առանձնատունը, վնասվել է նաև դիվանագիտական ներկայացուցչության շենքը:

Այս մասին գրում է Ria.ru-ն։

«Իսլամական հեղափոխության պահապանների կորպուսի բարձրաստիճան զինվորական Մոհամմադ Ռեզա Զահեդին զոհվել է»,- ասված է գործակալության հաղորդագրության մեջ:

Ավելի վաղ սիրիական պետական հեռուստատեսությունը հայտնել էր, որ սիրիական հակաօդային պաշտպանությունը հետ է մղում հարձակումը Դամասկոսի մերձակայքում, լսվել են պայթյուններ։

Սիրիական «Al Ikhbariya» հեռուստաալիքը հայտնել է, որ Իսրայելը հարվածել է Սիրիայի մայրաքաղաք Դամասկոսի հարավ-արևմուտքում Ալ-Մեզզա շրջանում գտնվող շենքին: