Հայաստանի ու Արցախի ղեկավարները ԱԽ խորհրդակցություն են անցկացրել
Վարչապետ Նիկոլ Փաշինյանի եւ Արցախի նախագահ Արայիկ Հարությունյանի գլխավորությամբ այսօր Կառավարությունում տեղի է ունեցել Անվտանգության խորհրդի ընդլայնված կազմով խորհրդակցություն:
Այս մասին հայտնում են ՀՀ կառավարության լրատվական ծառայությունից:
«Առաջիկայում նման խորհրդակցություններ ավելի հաճախ պետք է անենք, որպեսզի մեր գործողությունները լինեն համադրված: Այսօր կքննարկվեն ընթացիկ հարցերը, որոնք այս պահին կան օրակարգում»,- ասել է ՀՀ վարչապետը:
Նա նշել է, որ մի շարք ուղղություններով տարբեր գերատեսչություններում կատարվում են համապատասխան աշխատանքներ:
Նիկոլ Փաշինյանը կարեւորել է խորհրդակցությանն Արցախի նախագահի մասնակցությունը՝ տեղեկատվության փոխանակման, մարտավարական եւ ռազմավարական առումով հետագա անելիքների պլանավորման համատեքստում:
Կարծիքներ