Զախարովան նշել է, թե ով է Ուկրաինայի իրական թշնամին
Երկիր վերադառնալու մասին Ուկրաինայի նախագահ Վլադիմիր Զելենսկու կոչը՝ ուղղված պետծառայողներին և օլիգարխներին, ցույց տվեց, որ հանրապետության թշնամին Ռուսաստանը չէ, այլ ուկրաինական «էլիտան»։ Այս մասին իր Telegram-ում ասել է ՌԴ ԱԳՆ պաշտոնական ներկայացուցիչ Մարիա Զախարովան։
Զելենսկին ավելի վաղ դիմել էր բոլոր պետական ծառայողներին, ովքեր լքել են երկիրը կամ պատրաստվում են հեռանալ՝ կոչ անելով վերադառնալ 24 ժամվա ընթացքում, քանի որ ժողովուրդը նրանց վստահել է «կառավարել երկիրը և պաշտպանել այն»։ Ուկրաինայի ազգային անվտանգության և պաշտպանության խորհրդի քարտուղարը հայտարարել է, որ երկրի սահմաններից դուրս Գերագույն ռադայի 23 պատգամավոր կա։
«Այն բանից հետո, երբ Ուկրաինայի նախագահը դիմեց քաղաքացիական ծառայողներին, օլիգարխներին և պատգամավորներին, ովքեր լքել են երկիրը պատերազմի վախի և իրենց հայրենիքը պաշտպանել չցանկանալու պատճառով, պարզ դարձավ, որ այս պետության թշնամին Ռուսաստանը չէ: Ուկրաինայի թշնամին նրա «էլիտան» է»,- գրել է Զախարովան։
Երկուշաբթի օրը Զելենսկին հրամանագիր է ստորագրել փետրվարի 16-ը միասնության օր հռչակելու մասին։ Հրամանագիրը նախատեսում է, որ այդ օրը Ուկրաինայի դրոշը կբարձրացվի բոլոր բնակավայրերում, իսկ օրհներգը կհնչի տեղական ժամանակով ժամը 10.00-ին։ Բացի այդ, միջոցառումներ կանցկացվեն Ուկրաինայի օտարերկրյա դիվանագիտական հաստատություններում։
Ամերիկյան լրատվամիջոցներն ավելի վաղ հայտնել էին, որ նախագահ Ջո Բայդենը դաշնակիցներին ասել է, որ «ռուսական ներխուժումն» Ուկրաինա կարող է սկսվել փետրվարի 15-16-ին։
Կարծիքներ