Նոտր Դամի մոտ առողջության համար վտանգավոր մետաղ են գտել

Փարիզի Աստվածամոր տաճարի տարածքը փակել են օդում կապարի բարձր խտության պատճառով, այն կարող է վտանգավոր լինել առողջության համար, այս մասին հաղորդում է  France Bleu-ն։

Փարիզի ոստիկանական վարչությունն արգելել է տրանսպորտի եւ հետիոտների երթեւեկությունը Նոտր Դամի մոտ: Որոշումն ընդունվել է առողջապահության տարածաշրջանային գործակալության երաշխավորությամբ։ Հրապարակ խոստանում են բացել միայն այն բանից հետո, երբ ամբողջությամբ կմաքրեն:Վնասակար  մետաղը պահվել է տաճարին  կից կառույցում և  օդում  հայտնվել տաճարի հրդեհի հետեւանքով: 

Հիշեցնենք,որ Փարիզի Աստվածամոր տաճարը հրդեհվել է 2019 թվականի ապրիլի 15-ի երեկոյան: Հրդեհը ոչնչացրել է տանիքի մեծ մասը,այն չեզոքացնել հաջողվել է միայն հաջորդ օրը: Հրդեհի ժամանակ հալվել է մոտ 300 տոննա կապար: