Վաղարշակ Հարությունյանն անդրադարձել է Սյունիքի որոշ մասերում ռուս սահմանապահների տեղակայմանը
Պաշտպանության նախարար Վաղարշակ Հարությունյանը Սյունիքի մարզի որոշ հատվածներում ռուս սահմանապահների տեղայակումը չի համարում Հայաստանի Հանրապետության ինքնիշխանության կորուստ: Այս մասին Հարությունյանը նշել է «Զինուժ մեդիա»-ին տված հարցազրույցում:
«Ինքնիշխանության կորուստն այն ժամանակ է լինում, երբ անվտանգությունը ապահովված չէ։ Իսկ քայլերը, որոնք ամրապնդում են անվտանգությունը, ամրապնդում են և՛ պետության անկախությունը, և՛ ինքնիշխանությունը։ Մեր գերխնդիրն է այսօր ապահովել ռազմական անվտանգությունը, ինչը բերում է մեր ինքնիշխանության ամրապնդմանը և անկախությանը»,- ասել է նախարարը:
Սյունիքի մարզի` Ադրբեջանի հետ սահմանի որոշ հատվածներում կտեղակայվեն նաև ռուս սահմանապահներ: Նոյեմբերի 9-ին, Հայաստանի վարչապետի, Ռուսաստանի և Ադրբեջանի նախագահների միջև ստորագրված եռակողմ հայտարարության իրագործման շրջանակում Հայաստանի և Ադրբեջանի միջև ձևավորվում են նոր սահմաններ։
Կարծիքներ