Չինաստանում հայտնաբերվել է հսկա ռնգեղջյուրի նոր տեսակ

Չինացի հետազոտողները հայտնաբերել են հսկա ռնգեղջյուրի նոր տեսակ, որն ապրել է մոտ 26,5 միլիոն տարի առաջ: Գիտնականների հետազոտությունների արդյունքների համաձայն, որոնք հրապարակվել են Communications Biology ամսագրում` կենդանու քաշը 21 տոննա էր, ինչը հավասար է չորս մեծ աֆրիկյան փղերի:

Նշվում է, որ կենդանու մնացորդները հայտնաբերվել են Գանսու նահանգում դեռ 2015 թվականին: Բրածոների հետագա վերլուծությունը հաստատել է, որ սա նոր, նախկինում անհայտ տեսակ է: Նրան տրվել է Paraceratherium linxiaense անվանումը:

Ռնգեղջյուրը եղջյուր չի ունեցել: Նրա գլուխը հասել է յոթ մետրի: Այսպիսով, նա կարող էր տերևներ ուտել ծառերի գագաթներից: Հայտնի է նաև, որ կենդանին ունեցել է շատ երկար պարանոց: