Հարավային Կորեայի նախկին գլխավոր դատախազը առաջատարն է նախագահի թեկնածուների թվում

Կորեայի Հանրապետության նախագահի թեկնածու, գլխավոր ընդդիմադիր «Քաղաքացիական ուժ» կուսակցությունից և երկրի նախկին գլխավոր դատախազ Յուն Սոկ Յոլը ժողովրդականությամբ զգալիորեն գերազանցում է իշխող Դեմոկրատական ​​կուսակցության թեկնածու Լի Չժե Մյունին։ ՏԱՍՍ-ի հաղորդմամբ՝ այս մասին են վկայում PNR գործակալության կողմից նոյեմբերի 5-6-ը ԶԼՄ-ների պատվերով անցկացված հարցման արդյունքները, որոնք հրապարակվել են երկուշաբթի օրը։

 Յուն Սոկ Յոլի օգտին պատրաստ է քվեարկել հարցվածների 45,8 տոկոսը, Լի Չժե Մյունի օգտին՝ 30,3 տոկոսը։ 15,5% տարբերությունը զգալիորեն գերազանցում է հնարավոր վիճակագրական սխալը, որը 95% վստահության մակարդակում կազմում է 3,1%։

Հանրաճանաչության երրորդ տեղում Է Ան Չոլ Սուն՝ ընդդիմադիր Ժողովրդական կուսակցությունից, ում օգտին պատրաստ է քվեարկել հարցվածների 4,7 տոկոսը։ «Արդարություն» կուսակցության անդամ Սիմ Սանգ Յունգը հաջորդում է 3,2%-ով, իսկ անկախ թեկնածու Կիմ Դոնգ Յանգը՝ 0,9%-ով: