Մադուրոն հաստատում է Սիրիային անհրաժեշտ օգնություն ցուցաբերելու Վենեսուելայի պատրաստակամությունը
Վենեսուելայի նախագահ Նիկոլաս Մադուրոն երկուշաբթի օրը Սիրիայի առաջնորդ Բաշար ալ-Ասադի հետ հեռախոսազրույցում համերաշխություն է հայտնել ավերիչ երկրաշարժից տուժած Սիրիային։ Այս մասին ասվում է սիրիական պետության ղեկավարի մամուլի ծառայության՝ Twitter-ում տարածված հաղորդագրության մեջ։
«Վենեսուելայի կառավարությունն ու նրա ժողովուրդը աջակցում են Սիրիային փորձությունների ժամին և պատրաստակամություն են հայտնում շարունակել նրան տրամադրել անհրաժեշտ օգնություն՝ հաղթահարելու աղետի հետևանքները», - ասել է Մադուրոն, մեջբերում է մամուլի ծառայությունը։
Իր հերթին Ասադն ընդգծել է, որ «Վենեսուելայից և շատ այլ բարեկամ արաբական և օտարերկրյա պետություններից ուղարկված փրկարարական խմբերը կարևոր ներդրում են ունեցել սիրիական կառավարության կողմից իրականացվող որոնողափրկարարական գործողության մեջ»:
«Սիրիացի ժողովուրդը չի մոռանա նրանց, ովքեր օգնության հասան՝ ուղարկելով փրկարարներ և մարդասիրական պիտույքներ», - ասել է Ասադը:
Կարծիքներ