Գերմանիայի տասնյակ բանկեր փողերի լվացման սպառնալիքի պատճառով ինտենսիվ հսկողության ներքո են

Գերմանիայի տասնյակ բանկեր փողերի լվացման սպառնալիքի պատճառով ինտենսիվ հսկողության ներքո են

Գերմանիայի ավելի քան 30 բանկեր ինտենսիվ հսկողության ներքո են՝ փողերի լվացման հնարավորություն թույլ չտալու համար: Խոսքը տարբեր ոլորտներից ֆինանսական ինստիտուտների «խայտաբղետ խառնուդի» մասին է, Börsen-Zeitung գործնական պարբերականին ասել է Ֆինանսական հատվածի հսկողության դաշնային գերատեսչության ներկայացուցիչ Տորստեն Պյոցշը:

Այս գործընթացի մասին հայտնի է դարձել գրեթե մեկ տարի առաջ: Այս ընթացքում բանկերի թիվը, որոնց նկատմամբ այն կիրառվում է, զգալիորեն աճել է:

«Եթե Գերմանիան համարենք փողերի լվացման իսկական դրախտ, ապա դրախտում ավելի ու ավելի անհարմարավետ է դառնում»,- նշել է Պյոցշը:

Գերմանիայի ֆինանսական հատվածն ընդհանուր առմամբ այդպիսի հանցագործությունների դեմ պայքարին լավ է պատրաստված տեղեկությունների բարելավված փոխանակման, ռիսկերի մասին ավելի մեծ իրազեկվածության եւ ֆինանսական գործարքների հետաքննության գերատեսչության (Financial Intelligence Unit, FIU) ընդարձակման շնորհիվ: Սակայն սպառնալիքի մակարդակը շարունակում է բարձր մնալ, հավելել է փորձագետը, փոխանցում է DW-ն: