Մենենդեսն առաջարկում է փոփոխություններ, որոնք կարող են արգելափակել Ադրբեջանի ռազմական օգնությունն ԱՄՆ-ից

ԱՄՆ-ի Սենատի արտաքին հարաբերությունների հանձնաժողովի նախագահ Ռոբերտ Մենենդեսը այսօր ներկայացրել է փոփոխություններ, որոնք փաստացիորեն արգելափակում են ԱՄՆ-ի ռազմական օգնությունն Ադրբեջանին:

Այս մասին հայտնում է Հայ դատի հաձնախումբը (ANCA):

Փոփոխությունը վերացնում է 907-րդ հոդվածի նախագահական լիազորություններին վերաբերող բոլոր հղումները, դրույթ, որն առաջին անգամ դրվել է 2001 թվականին և օգտագործվել ԱՄՆ հաջորդ նախագահների, այդ թվում՝ նախագահ Բայդենի կողմից, նույնիսկ 2020 թվականին Հայաստանում Արցախի դեմ Ադրբեջանի դաժան ագրեսիայի հետևանքով (907 հոդվածը Ադրբեջանին ռազմական աջակցության մասին է ):

2016 թվականից ի վեր, ԱՄՆ-ն ավելի քան 120 միլիոն դոլարի ռազմական օգնություն է տրամադրել Ադրբեջանին՝ ի դեմս Կոնգրեսի անդամների և ANCA-ի առարկությունների, որոնք երկար ժամանակ ահազանգում են տարածաշրջանում Ալիևի ռեժիմի ռազմատենչ գործողությունների մասին:

Սենատոր Մենենդեսը առաջարկել է նաև երկրորդ փոփոխությունը, որով պահանջվում է ԱՄՆ Պետքարտուղարությունից և Պաշտպանության նախարարությունից՝ զեկույց ներկայացնել Թուրքիայի կողմից հարվածային անօդաչու թռչող սարքերի արտահանման մասին։

Մենենդեսը որպես օրինակ ներկայացրել է Ադրբեջանի կողմից 2020 թվականին Արցախի դեմ թուրքական Bayraktar անօդաչու թռչող սարքերի կիրառումը։ Այդ սարքերի կիրառումը խախտում է ԱՄՆ-ի զենքի արտահանման օրենքը: