Հավանականությունը մեծ է չմասնակցելու, քան՝ մասնակցելու․ Սոֆյա Հովսեփյան

Երեկ՝ մարտի 18–ին, վարչապետ Նիկոլ Փաշինյանը հայտարարեց, որ համաձայնության է եկել «Բարգավաճ Հայաստան» եւ «Լուսավոր Հայաստան» կուսակցությունների հետ՝ հունիսի 20-ին արտահերթ խորհրդարանական ընտրությունների անցկացման վերաբերյալ։ Այս հայտարարությունից հետո տարբեր կուսակցություններ և դաշինքներ հանդես եկան արտահերթ խորհրդարանական ընտրությունների վերաբերյալ իրենց դիրքորոշմամբ։  Freenews.am լրատվականը կապ հաստատեց ԱԺ  անկախ պատգամավոր Սոֆյա Հովսեփյանի հետ, հասկանալու համար՝ արդյո՞ք վերջինս մասնակցելու է գալիք ընտրություններին։

Տիկին Հովսեփյան, մասնակցելու՞ եք գալիք արտահերթ խորհրդարանական ընտրություններին․

-Այս պահին որևէ բան չեմ կարող ասել,  չունեմ հստակ դիրքորոշում։ Տարբեր կուսակցությունների կողմից եղել են առաջարկներ։ Հավանականությունը մեծ է չմասնակցելու, քան՝ մասնակցելու։

Տիկին Հովսեփյան կբացե՞ք փակագծեր, թե ո՞ր կուսակցությունների կամ անհատների կողմից են եղել առաջարկներ

-Չեմ ուզում փակագծեր բացել։ Եղել է անհատական զանգ-քննարկում , իմ դիրքորոշում հայտնել եմ,  եթե իրենք չեն ուզենա բարձրաձայնել, ես ինձ իրավունք չեմ վերապահի այդ մասին խոսել։