Քոչարյանն ամեն ինչ անում է «ինքնասպանության» համար

Դեռևս 2021 թվայկանի հունինի 20-ի ԱԺ արտահերթ ընտրություններից առաջ իշխանության «քոքը մաշեցնելու»  ու  ընտրություններում հաղթանակ տոնելու մասին մեծ-մեծ ելույթ ունեցող  Ռոբերտ Քոչարյանը ջախջախիչ պարտություն կրեց ընտրությունների արդյունքում։

Ընտրություններից հետո հանրության գոնե մի փոքր մասը կարծում էր, թե ԱԺ-ում հայտնված ընդդիմությունը կփորձի լինել կառուցողական և զերծ կմնա  Հայաստանի համար ծանր այս ժամանակաշրջանում ներքաղաքական ինտրիգներ հրահրելուց։ Այս մասին գրում է ArmeniaNews-ը:

Բայց  ԱԺ աշխատանքները սկսելուց հետո, պարզ դարձավ ՝ ընդդիմությունը դեմ է, զուտ դեմ լինելու համար, իսկ  ընդդիմադիր պատգամավորները շատ ժամանակ անգամ խուլիգանական պահվածք են դրսևորում․  ԱԺ-ում  պատգամավորի վրա շիշ նետող Սեյրան Օհանյանի ՝ մեղմ ասած  փողոցային պահվածքը  դրա վառ ապացույցն է։

Սակայն սա դեռ ամենը չէ, հիմա էլ ընդդիմությունը որոշել է դուրս գալ փողոցային պայքարի։ Ցանկանում են նոյեմբերի 9-ին հանրահավաք անել և սա համավարակի այն պայմաններում, երբ օրական մի քանի տասնյակ մարդ է մահանում կորոնավիրուսից։

Անգամ զարմանալի է, թե ինչի վրա է հույսը դրել Քոչարյանը, ընտրություններից առաջ հայտարարում էր, որ «մաշեցնելու է իշխանության քոքը», իսկ արդեն նոյեմբերի 9-ի հանրահավաքին կոչ է անում դուրս գալ փոոց՝  դիմադրելու։

Պարզից էլ պարզ է՝  Քոչարյանի անձը վաղուց վարկաբեկված է, իսկ ընտրություններից հետո կոտրվել է վերջինիս անպարտելի լինելու մասին միֆը և հիմա շատ ավելի քիչ քաղաքացիներ են սատարում վերջինիս,  քան ընտրություններից առաջ։

Պարզ է, որ Քոչարյանին նոյեմբերի 9-ի հանրահավաքին չի հաջողվի լցնել անգամ Ազատության հրապարակը, ինչի արդյունքում կարելի է գրեթե բացառել նաև հետագա հանրահավաքները։

Ստացվում է, որ նոյեմբերի 9-ի հանրահավաքն էլ ավելի է անլրջացնելու Քոչարյանին, թերևս վերջինս ամեն բան անում է իր քաղաքական ինքնասպանության համար։