Տա Աստված, որ մեր ընտրանին առաջիկայում որեւէ խոշոր մրցաշարի մասնակցի․ Տիկնիզյան
«Լոկոմոտիվ»-ի ու Հայաստանի հավաքականի պաշտպան Նաիր Տիկնիզյանը հայտնել է, որ ամեն ինչ կանեն որեւէ խոշոր մրցաշարի մասնակցելու համար:
Նա ընդգծել է, որ Հայաստանի հավաքականը դեռ Աշխարհի կամ Եվրոպայի առաջնության եզրափակիչ փուլերում հանդես գալու իրավունք չի կարողացել նվաճել:
«Տա Աստված, որ մեր ընտրանին առաջիկայում որեւէ խոշոր մրցաշարի մասնակցի: Բայց չեմ կարող գուշակել, թե դա երբ տեղի կունենա, առավել եւս՝ չեմ կարող այդ մասին խոստանալ: Պարզապես ամեն ինչ կանենք դրան հասնելու համար»,- bookmaker-ratings.ru-ին ասել է Տիկնիզյանը:
Նոյեմբերի 14-ին Հայաստանի ընտրանին ընդունելու է Ֆարերյան կղզիներին, իսկ 3 օր անց՝ հյուրընկալվելու է Լատվիային:
Կարծիքներ