Իմ վերաբերմունքը նախագծի հանդեպ բացասական է, ես սա լավ լուծում չեմ համարում. Արարատ Միրզոյան
Ասել, թե ես անտարբեր եմ այս առաջարկով ինձ վերապահվելիք գործառույթին, կնշանակի ոչինչ չասել: Իմ վերաբերմունքը սրա հանդեպ բացասական է, ես սա լավ լուծում չեմ համարում: Այդուհանդերձ ես սա համարում եմ լուծում: Այս մասին այսօր ԱԺ նիստին ասաց խորհրդարանի նախագահ Արարատ Միրզոյանը՝ անդրադռնալով նախագծին, որով առաջարկվում է Կոռուպցիայի կանխարգելման հանձնաժողովի անդամի թափուր պաշտոնում թեկնածուի առաջադրման իրավունքով օժտել ոչ թե Ազգային ժողովի խմբակցություններին, այլ Ազգային ժողովը ներկայացնելու և նրա բնականոն գործունեությունն ապահովելու իրավասություն ունեցող անձին՝ Ազգային ժողովի նախագահին:
Միրզոյանն ավելի անկեղծանալով ասաց, որ ընդհանրապես դեմ է մրցութային հանձնաժողովի գաղափարին. «Եթե կհիշեք, մինչև 7-րդ գումարումը կար այս մրցութային հանձնաժողովը, այնուհետև ես անձամբ հեղինակել եմ օրենքների նախագծերի փաթեթ, որով վերացրինք այն, քանի որ համարում էի ու շարունակում եմ համարել, որ սա անիմաստ օղակ է կոռուպցիայի կանխարգելման հանձնաժողովի ձևավորման պրոցեսում»:
Մանրամասները՝ տեսանյութում:
Կարծիքներ