Հրանտ-Լեոն Ռանոսը հեռացվել է Հայաստանի հավաքականից
Հայաստանի ազգային թիմի հոլանդացի գլխավոր մարզիչ Ջոն վան՛տ Սխիպը Վրաստան-Հայաստան նախախաղային ասուլիսի ժամանակ հայտնել է, որ Հրանտ-Լեոն Ռանոսը հեռացվել է Հայաստանի հավաքականից:
Ըստ մարզիչի, Ռանոսը պահանջել է լինել մեկնարկային կազմում և մերժում է ստացել։ Դրանից հետո Ջոն վան՛տ Սխիպը որոշել է նրան հեռացնել ընտրանու կազմից։
«ֆուտբոլիստ Հրանտ-Լեոն Ռանոսը հարցրել է, թե արդյո՞ք խաղալու է հիմնական կազմում, եթե ոչ, ապա չի ցանկանում այլևս թիմում հանդես գալ։ Չի կարող լինել այնպիսի ֆուտբոլիստ, որը կարող է իրեն վեր դասել թիմային շահերից»,– ասել է մարզիչը՝ նշելով, որ իր կարիերայում չի տեսել նման դեպք և որոշում է կայացրել Ռանոսին հեռացնել հավաքականից:
Նշենք, որ Հրանտ-Լեոն Ռանոսին Ազգային հավաքական էր հրավիրել նախկին մարզիչ Ալեքսանդր Պետրակովը:
Կարծիքներ