Ալավերդիում Ռոբերտ Քոչարյանի պաստառը ներկել են կարմիր ներկով
Լոռու մարզում գործունեություն ծավալող «Համայնքային համախմբման և աջակցության կենտրոն» ՀԿ-ի տնօրեն Օլեգ Դուլգարյանը իր ֆեյսբուքյան էջում լուսանկար է հրապարակել՝ գրելով. «Ալավերդիում Քոչարյանի պաստառը ներկել են կարմիր գույնի ներկով»:
Ինչպես ավելի վաղ հայտնել էինք, քաղաքացիները շարունակում են ներկ ու ցեխ շպրտելով պղծել հանրապետության տարբեր շրջաններում փակցված Քոչարյանի պաստառները:
Սոցիալական ցանցերում օգտատերերը հրապարակել էին Սիսիանում, Գորիսում, Սպիտակում, Կապանում, Արտաշատում, Սևանում, Իջևանում և այլ բնակավայրերում Ռոբերտ Քոչարյանի՝ կարմիր ներկով ներկված կամ պատռված պաստառների լուսանկարները։
Կարծիքներ