2020 թվականին ֆրանսիայի բյուջեի պակասուրդը կազմել է ՀՆԱ-ի 9,2 տոկոսը

 2020 թականին Ֆրանսիայի բյուջեի պակասուրդի չափը հասել Է համախառն ներքին արդյունքի (ՀՆԱ) 9,2 տոկուսին: Մարտի 26-ին այդ մասին հայտնել Է Վիճակագրության եւ տնտեսական հետազոտությունների ազգային ինստիտուտը (Insee):

Դրամական արտահայտությամբ բյուջեի պակասուրդը հավասար Է 211,5 միլիարդ եվրոյի: Ինստիտուտի փորձագետների տվյալների համաձայն՝ դա «ամենաբարձր մակարդակն Է 1949 թվականից ի վեր ընկած ժամանակամիջոցում»:

Շատ բանով ցուցանիշների աճի պատճառն այն իրավիճակն Է, որ առաջացել Է կորոնավիրուսի հարուցած համաճարակի հետեւանքով: Ռեցեսիան 2020 թվականի համաճարակի ժամանակ հասել Է 8,2 տոկոսի, ինչն իշխանություններին հարկադրել Է օգնություն ցույց տալու տնտեսությանը՝ ձեռնարկությունների եւ ֆիրմաների զանգվածային սնանկացումից խուսափելու համար:

Ինչպես հայտնել Է ինստիտուտը, անցյալ տարի երկրում պետական պարտքը կազմել Է ՀՆԱ-ի 115,7 տոկոսը, այսինքն՝ 2,6 տրիլիոն:

Միեւնույն ժամանակ նշվում Է, որ ներկայիս ցուցանիշները փոքր-ինչ ցածր են կառավարության կանխատեսումից: Այն սպասում Էր բյուջեի պակասուրդը ՀՆԱ-ի 11,3 տոկոսի չափով եւ պետպատքինը՝ ՀՆԱ-ի մոտավորապես 120 տոկոսի ծավալով: Մինչեւ սանիտարական ճգնաժամի շրջանը, 2019 թվականին Ֆրանսիայի բյուջեի պակասուրդը կազմել Է ՀՆԱ-ի 97,6 տոկոսը, իսկ պարտքը՝ 3,1 տոկոսը, հաղորդել Է ՏԱՍՍ: