Բախումներ Լիբանանում՝ «Հըզբոլլահի» կողմնակիցների և հակառակորդների միջև․ կան զոհեր
Լիբանանում զինված ընդհարում է տեղի ունեցել «Հըզբոլլահի» կողմնակիցների և հակառակորդների միջև, զոհվել է 5 մարդ, ևս 10-ը վիրավոր են։ Այս մասին հայտնում է Xinhua գործակալությունը։
Դիմակայությունը սկսվել է Բեյրութի հարավային Խալդե արվարձանում «Հըզբոլլահի» կողմնակիցներից մեկի հուղարկավորության ժամանակ։ Նշվում է, որ շիաների թափորի վրա կրակ են բացել Խալդեում ապրող սուննի կլանների զինված բեդվինները։
Գործակալությունը նշում է, որ Լիբանանի իշխանությունները քայլեր են իրականացնում լարվածության նվազեցման, փոխհրաձգությունների դադարեցման ուղղությամբ․ տարածաշրջան են ուղարկվել զինվորականներ։
Կարծիքներ