Փաստաթղթերի կեղծման մեղադրանքով հետախուզվողը հայտնաբերվել է Մոսկվա-Երևան չվերթի ինքնաթիռի ժամանումից հետո
![Փաստաթղթերի կեղծման մեղադրանքով հետախուզվողը հայտնաբերվել է Մոսկվա-Երևան չվերթի ինքնաթիռի ժամանումից հետո](https://freenews.am/uploads/images/image_750x_60c44f81d3f18.jpg)
Ոստիկանության «Զվարթնոց» օդանավակայանի գծային բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ հունիսի 10-ին Մոսկվա-Երևան չվերթի ինքնաթիռի ժամանումից հետո գծային բաժին բերման է ենթարկվել 34-ամյա Հերմինե Ղ.-ն, որը 2019 թ. դեկտեմբերի 30-ից հետախուզվում էր ՀՀ քրեական օրենսգրքի 325-րդ (Փաստաթղթեր, դրոշմներ, կնիքներ, ձևաթղթեր, տրանսպորտային միջոցների հաշվառման համարանիշեր կեղծելը, իրացնելը կամ օգտագործելը) և 329-րդ (Պետական սահմանն ապօրինի հատելը) հոդվածների մեղադրանքով: Այս մասին հայտնում են ՀՀ ոստիկանության լրատվական ծառայությունից:
Խափանման միջոցը՝ ստորագրություն:
Կարծիքներ